苗·【电台】雷霆881《有谁共鸣》粤语书写版【陈键锋吧】

眼镜苗镇楼························

雷霆881，叱咤903，有谁共鸣，hello，大家好，我系陈键锋，好耐冇喺香港同大家见面，或者应该咁讲啦，你哋好耐冇喺香港电视萤光幕见到我，但系，其实我一路都有好努力咁样继续从事紧哩一份工作，只不过可能个工作地方重心或者系转移咗去内地多啲。今日翻嚟好想可以借哩个机会，可以同你分享一啲我自己近排好钟意嘅歌，同埋，想支持一个机构。希望你哋同我都会同样有咁嘅感受，同埋同样有咁嘅感动，可以去帮佢哋，支持佢哋，就系绿色和平。旁白：陈键锋做演员之前，一直都系电台DJ同节目主持人。就连陈键锋自己都对走上演员嘅路感到莫名其妙，佢冇受过专业嘅表演培训，只能够靠不断拍剧累积经验，边拍边学。努力喺香港拍剧，并唔能够满足喜爱新鲜同刺激嘅陈键锋，于是佢选择居无定所，到唔同嘅地方，参与演艺工作，因为佢嘅梦想就系要行远一啲，去睇吓哩个广阔嘅世界。其实每次翻嚟，我发觉我自己都有好多嘢，好似追紧一啲落后咁样，因为有好多歌，好多戏，好多人，好多事，有时未必可以追得咁快，最近，其实如果我宜家讲话最近，可能都会觉得我好落后，咁但系我自己觉得，有阵时有啲嘢咧系个感动呢，系唔在乎个年期，唔在乎个时间嘅长短，即系，我觉得有人有咁样嘅冲动去做一部电影，而哩一部电影佢哋做出嚟，佢哋唔系一啲好大嘅公司嘅投资制作，可能演员你唔识佢，但系宜家你识佢，咁系因为佢哋嘅哩一股热诚咯，我翻到嚟之后即刻第一时间走咗去戏院睇，虽然已经离开咗嗰啲即系主要上映时间喇，咁但系都睇咗两次，就系《狂舞派》哩一套电影，我好钟意佢哋哩啲好唔系一啲老手嘅做法，即系好多嘢系好生活，佢哋有血有肉嘅一啲真实嘅写照摆落去。哩只歌我都特登经常喺各大嘅途径都要揾嚟听啦咁样，好想同你分享，即系我钟意佢哋哩股热诚狂舞派嘅[狂舞吧]（音乐）

跟住翻嚟之后，其实除咗睇电影之外，我都发觉有好多新嘅面孔，即系每一次翻嚟我都觉得除咗我屋企附近嘅环境转变，或者我去开食饭吖，行街嘅地方会有转变之外，可能系个电视电影同乐坛嘅人都有好多我系唔识嘅，咁但系有时听电台嘅时候，可能系上车落车吖，行开行埋吖，都会听到啲歌，你觉得哩个melody好钟意，或者哩把声我觉得好吸引，咁其中一个声音最近好吸引到我嘅系冯允谦嘅歌，咁我觉得系一个好得意嘅感觉，即系喺一个好ABC嘅咬字，但系佢嗰份味道系令到你觉得好亲切嘅感觉咯，咁同埋我好钟意佢嘅歌嘅旋律同埋歌词，咁哩只歌叫做世界剧团，其实每一日都喺个同样嘅地球下低，大家都生活紧，即系你系香港人，我都系香港人，可能因为我最近去咗柬埔寨旅行，睇到好多好多即系人生上面嘅嘢，皇宫好大，但系残障嘅市民或者小朋友，好多喺街边佢哋要靠黑食为生，虽然大家都系喺同一个天空底下，虽然大家都系呼吸住嗰啲空气，但系生活条件环境好唔一样。其实我哋大家都系希望喺哩个世界舞台上面，都要挣扎都要搵翻一啲位置，都要赢。咁有啲人，最简单最基本嘅位置系，我只系要食饭，咁有啲人可能系我要戴靓表，揸靓车，但系意义喺边度咧，即系搵到哩啲嘢，咁你嘅人生目标意义你仲记唔记得，同埋知唔知道，同埋你当初细嗰嘅时候你自己定立嘅梦想，你有冇追寻过呢？（音乐）
我跟住哩一只系xxxxx（英文）嘅一只我自己好钟意嘅歌，可能你初初听会觉得好奇怪，好晕，因为无拉拉好长段音乐跟住唱几句歌咁，咁但系我好钟意哩个气氛，有时自己一个人喺屋企会好钟意做哩啲好奇特嘅事，即系播一啲好奇特嘅歌，跟住摊咗喺度咩都唔做，咁有时发下呆，有时念吓一啲生活上面嘅嘢，其实都系几应该要做我觉得，即系有时太缺少空间了我觉得，人同人，每一日你都好赶住出门口，跟住较到个闹钟啱啱好起身刷牙洗面出门口，跟住赶车，去到做完嘢，跟住好赶住又约咗朋友食饭，咁样东奔西跑完咗翻屋企跟住可能凑仔嘅凑仔，赶住睇剧嘅睇剧咁，咁一日眨下眼就过咗去，咁我觉得有啲时候需要有啲空间停落嚟去念吓，重新审视一下你每一日做过嘅嘢，我曾经睇过本书佢裏边讲一句说话我好钟意嘅就系，其实生活裏边最精彩系咩，就系细节咯，即系你每日嘅生活裏边有几多细节系你忽视咗，你冇留意噶咧咁，喺细节裏边你又做咗几多，或者甚至呼你喺你份工作上面你加咗几多细节落去咧咁，咁哩啲都系令到你锦上添花嘅其中一种嘅表现方式，系咯，即系我都好希望可以做到咁样，喺我嘅工作裏边或者喺我生活裏边或者喺我嘅屋企人裏边无拉拉有一日卑一个surprise佢哋，令到佢哋好开心，甚至呼讲翻系，即系可能哩个地球你会唔会去卑一个surprise佢咧，即系，成日都讲咗好耐话温室效应，厄尔尼诺现象，但系每一日你都系开紧好冻嘅冷气，冚紧棉toy，然后开紧个好热嘅炉，夏天去冲凉冲半个钟头，你会唔会卑一啲surprise我哋嘅地球咧，因为，最近因为我自己教潜水教多咗，咁开始发觉有好多嘢系好值得同大家分享，譬如系可能好多人未必知道我哋嘅地球系有7成系卑海洋覆盖，咁好多人都话，我哋要保护成个地球，我哋要唔好锯咁多树吖，要种多啲绿色嘅植物，其实成个地球提供最大量嘅氧气系乜嘢咧，系喺海洋裏边，因为有好多植物性嘅单细胞生物喺个海洋裏边，咁所以你唔保护个海洋，其实某程度上都系破坏紧我哋成个生态环境咯，咁所以爱惜多啲你身边嘅人之外，其实环境地球我哋都应该爱惜。（音乐）
生活嘅细节裏边其中有一部分，有一啲嘢，可能系食一件好好味嘅蛋糕会令到你笑好耐，或者去饮一杯好好味嘅咖啡，即系享受一下an昼嘅一个阳光，或者学似我头先咁好hea，摊咗喺啲梳fa大字型咁播一只自己好钟意嘅歌，我有一个好奇怪嘅习惯就系我好钟意不停咁将同一首好钟意嘅歌碌住听碌住听，听到要转歌啦忍唔住为止，咁最近碌得比较多嘅其中一只歌，其实头先嗰啲我都不停咁喺度碌嘅，咁但系最近碌得比较多嘅系，唔知点解好钟意听哩只歌嘅感觉，因为可能佢卑到我嘅感觉佢系一个好强嘅艺人pink，我好钟意佢嘅大胆嘅演出，即系唔系讲紧佢尺度上大胆，而系佢嘅念法令你觉得每一次都，下，真系好够胆喔一个女仔咁样，哩一只歌系我当时听，其实几年前听嘅，听完之后一路到宜家印象都好深刻，定时我都会上网搵翻佢喺xxx（英文）裏边嗰个表演嚟睇嘅就系xxx（英文），我系觉得好精彩嘅一个好勇敢好大胆嘅一个女歌手。（音乐）

我系一个好钟意天空嘅人嚟噶，好得意，我每一次搭飞机嘅时候都钟意影低一张天空嘅相，因为我觉得每一个地方嘅天空每一个时间嘅天空都有一啲好特别值得记低嘅事，因为每一秒钟嘅天空发生嘅事其实唔会有下一个秒钟嘅重复嘅，咁所以我屋企裏边嘅电脑裏边有其中一个xxx（英文）系天，天有唔同嘅颜色，因为喺唔同嘅地方会唔同，譬如我哋宜家成日都话香港宜家嘅天比以前蓝咗好多，其实内地嘅天比以前都蓝咗好多，成日我都会见到可能系一啲通讯嘅设备即系或者可能系微信吖之类嗰啲咁样，见到啲friend有啲post嗰啲话，咦，今日上海嘅天做咩咁蓝噶，做乜今日北京嘅天咁蓝嘅咁，喺你疑问紧嘅当时其实某程度上系因为好多人做紧好多事令到佢有哩一个改变，而哩一个改变唔系今日我话变听日就会变蓝咯，可能系一啲好长嘅角力，或者系一啲xxx（英文），系咯，所以今日你行哩一步，其实唔一定听日你会即刻睇到个变化，但系，总有一日你会见到佢有好嘅时候，正如我屋企，唔好讲我屋企啦，我自己以前我系食鱼翅嘅，咁但系近哩几年，我念起码我冇食鱼翅都有5，6年左右最少，每一次我都会喺啲朋友面前讲或者系一啲亲戚朋友食饭佢哋，吖，我哋食咩餐吖，我唔要有鱼翅嘅，哩一个概念可能有啲人会觉得好傻，即系你唔食，人哋咪一样系杀咁，咁但系如果真系喺哩一个途径上面我可以减少到杀戮，其实我愿意做，只不过为咗满足我一秒钟嘅囗欲，即系我唔食一碗鱼翅汤其实对我嘅好处同坏处有几大分别咧，即系我唔食佢我唔会死，但我食咗佢有可能因为一条濒危嘅鲨鱼物种会因为咁样而死咗，系真系，你唔觉得系一啲好可惜嘅事嚟噶咩？佢哋以后都见唔到真实嘅情况原来系咁样，同埋佢哋都有可爱嘅一面，虽然好大条嘅鱼，好大只嘅海龟，但系佢哋都有可爱嘅一面咯，介绍哩只歌系蔡昱佑嘅《你看不到的天空》，有时留意一下你身边嘅环境其实每一日都做紧一啲转变，咁而哩啲转变其实系大家付出紧努力，所以大家一齐共同加油。（音乐）
另外一对组合系我自己即细一路由细到大都好钟意嘅日本嘅乐队Mr.Children，佢哋嘅歌又系即系细个当然啦听个又觉得，吖，好有型吖咁嗰啲啦，会觉得佢哋系一啲好有heart想去有热诚咁去做音乐嘅人嚟嘅，好多时候即系好多人都成日讲即系你今日点知听日咁多嘢吖，系咪先，即系今日有咩我哋咪享受咗今日先咯咁，咁但系系咪享受完之后系唔使还噶咧咁？即系等於你今日碌咗卡去旅行，你去完旅行你系enjoy咗，但系你翻嚟之后你要努力搵翻钱去还，咁所以你之前用咗咁多地球嘅资源，享受咗咁多，叹咗咁多冷气，系咯，你有冇念过还咧，同埋，你有冇念过点还咧，其实打个电话系一个好好嘅还嘅方法，你乜嘢都唔使做，有人帮你做，系咯，只系咁轻而易举嘅行为，所以每日都做啦，我希望你哋每日都支持，每日都听哩个节目，每日都做，咁所以以后我哋成个地球，无论系生态环境或者一啲有需要帮助嘅人，事或者机构佢哋都可以得到帮助，跟住哩一只歌咧就系Mr.Children嘅tomorrow never knows（音乐）
以后嘅生活我哋唔知，但系我最近又喺即系网上面睇咗，其实我系一个好八卦嘅人，我愿意承认，成日周围去搵啲嘢嚟睇，咁睇咗几段报道或者系一啲网上面讲嘅talk，我自己都几钟意噶，其中有一段嘅talk其实都有啲xxx（英文）嘅，咁其中有一段嘅talk咧就系讲我哋宜家熟悉或者成日见到人哋拍出嚟嘅海洋，即系讲紧水，由水地平线啦一路数落去大概系40米至末端100米哩一段范围裏边，我哋知道嘅物种其实唔算好多，有两个层面嘅，即系除咗diver可以去到嘅层面之外，另一个咧就系可能好似要坐一啲好大型嘅潜艇落到好深啦几千米，咁中间哩一段我哋叫作断层咧，其实系好难去到嘅，要可能学一啲特别嘅潜水嘅方法，用一啲特别嘅科技，你先至会可以去到超过100米一下，而介乎可能1000米之间嘅哩啲范围，咁哩啲范围有啲咩咧，以前都觉得，吖，其实嗰度因为冇光咩都冇噶喇咁，咁但系原来发现唔系咯，即系有好多科学家佢哋宜家开始好落力去著手去研究，因为佢哋发觉喺嗰一个断层裏边有好多我哋从来冇发现过嘅鱼嘅种类物种，甚至乎植物喺嗰度出现，对我哋有咩好处咧，即系可能你今日听完我讲咁多嘢之后，你会发觉，系咯，我知咁多哩啲嘢咁科学为咩咧，个意义系其实好近噶，因为宜家我哋有好多病我哋系医唔到噶，就讲最简单可能澳洲有一只我唔知你哋有冇听过系叫做xxx（英文）系好毒嘅，咁佢嘅毒咧系讲紧，一只xxx（英文）可以同时杀死2，30个人都得嘅佢身上面嘅嗰啲毒液，咁你轻轻掂一下两分钟你就可以系咁先噶喇，咁但系佢虽然系一件咁凶残嘅生物，咁但系佢嘅好处系咩咧，就系喺佢嘅毒液裏边科学家发现有成2，30种唔同嘅蛋白质，可以爱嚟做一啲唔同嘅研究，分别做唔同嘅药，咁头先讲喺嗰个断层裏边嘅搵到嗰啲生物除咗佢哋喺一啲新鲜嘅物种我哋重来喺人类嘅记载裏边未出现过之外，其实有好多蕴藏咗喺裏边嘅丰富嘅海底资源可以变成一啲今日医唔到嘅病嘅药，咁哩啲其实都系对我哋嚟讲好大嘅鼓舞嚟噶，所以留意下你身边嘅环境，多关心一下，同埋，有好多系我哋做唔到，譬如我哋唔可以好容易轻易落到去100米下低嘅水度睇下有啲乜嘢我哋可以带上嚟，然之后去研究一啲药，因为哩啲系科学家要做嘅事，，唔系我哋做嘅事，但你可以做嘅事系可能好简单即系send个短讯打个电话或者支持一下你身边嘅朋友去做一件同环保有关嘅事，其实就系咁简单，哩啲事每一日都发生喺我哋生活嘅上面，所以我好希望你今日攞出5蚊去帮助今日哩一个我想帮助嘅机构绿色和平，咁送卑你听最后一首歌就系，我唔希望见到系咁样，徐佳莹嘅失落沙洲。